Aðventa

Hvað gerðist eiginlega...síðast þegar ég vissi var september og skólin nýbyrjaður. Núna er allt í einu er kominn desember og bara 10 dagar þangað til að ég fer í vestur í jólafrí, sem by the way er í HEILAN MÁNUÐ!
Tíminn líður stundum aðeins of hratt, mér líst ekki alveg á að ég sé hálfnuð með námið hérna á Hvanneyri.

Hérna kemur listi yfir það helsta sem hefur á daga mína drifið í haust
Skólinn:
- hjólastólarallý þar sem við könnuðm aðgengi að byggingum á Hvanneyri
- hannaði veg og sólpall...reiknaði svo út landfyllingu, gerði deiliteikningar, verklýsingu og kostaðaráætlun
- vettvangsferðir í MEST, Nýsköðunarmiðstöð Íslands ofl.
- komst að því að mér finnst jarðvegsfræði virkilega skemmtileg og áhugaverð. Það getur greinilega allt gerst!
- gerði eitt stykki umhverfislistaverk
- föndraði 2 líkön af torgum
- endurskipulagði Austurvöll í RVK
- lærði þónokkuð mikið á Microstation, og er aðeins að byrja á InDesign

Önnur skemmtilegheit
- eldaði diskamotturnar mínar...tók heillangan tíma að reykræsta íbúðina og losna við brenndu plastlyktina
- afmæli hjá Kríu á Laugum
- ball með Hitakút
- átti nokkrar kósýstundir með Sif og Alberti
- þónokkur eldasaman-bekkjarpartý
- drekktu betur Gúu og Sólu
- vísindaferð í Frjó og Vélfang
- hrútauppboð og árshátíð...
- og að sjálfsögðu frábærlega skemmtilegir árshátíðarnefndarfundir, bollublöndun, atkvæðatalning ofl.
- kokteilakvöld Jóa
- Hawai vs. Rambó þema djamm
- listinn gæti haldið áfram þónokkuð lengi...nenni ekki að skrifa meira


Á fyrsta í aðventu fór ég með Guðrúnu, Gúu, Huldu og Andreu í Borgarnes á kveikjaájólatrénu-skemmtun. Við stóðum úti á túni í hörkufrosti, með jólasveinahúfur á kollinum, þambandi fleiri lítra af súkkulaði og syngjandi jólalög hástöfum með pínlítiðfalska barnakórnum. Alveg að taka þátt á stemningunni sko...en svo kom að því að kveikja átti á jólatrénu. Ég taldi niður ásamt öllum hinum og svo búmm...vonbrigði ársins!!
Serían á trénu var MARGLIT...ohh það sem ég varð fyrir miklum vonbrigðum.
Sem betur fer er tréð okkar hér á Hvanneyri með hvítri seríu.

Ísafjörður eftir 10 daga...mér sýnist á skipulaginu frá Eygló að það verði ekki mikið frí;) Það þarf að þrífa, skreyta, baka, læra að prjóna sokka og vettlinga, djamma, hlaupa af sér skóla og svo jólaspikið, skrifa jólakort, djamma, kaupa jólagjafir, pakka þeim inn, djamma....ábyggilega margt fleira. Ég er örugglega að gleyma einhverju:)
En ég hlakka samt ótrúlega til að komast heim og gera alla þessa hluti, hef ekkert farið heim í allt haust!

Jæja, best að einbeita sér að SÍÐASTA tímanum á þessu ári!
Á bara eftir að klára 3 verkefni, fara í eitt lítið próf og svo er komið frí

Sjáumst fyrir vestan...eða á barnum í kvöld;)

No bloggedí

Nei nú gengur þetta ekki lengur!

Hitt heim

Fyrstu vikuna í skólanum héldum við að mestu til í Grasagarðinum í Reykjavík þar sem hvert einsta tré og runni var grandskoðað og greint. Önnur vikan fór öll í hellulagnir og nýnemasprellsundirbúning. Það var því ekki fyrr en í þriðju viku að við þurftum að sitja í fyrirlestrum á ný. Enn sem komið er lofar veturinn þó góðu.
Ásamt því að vera búin að læra að helluleggja, hlaða steinvegg og læra 75 latnesk plöntuheiti utanað...þá veit ég líka núna hvað vömb, keppur, laki og vinstra eru og hver tilgangur þeirra er. Svo kann ég líka að reikna út fóðureiningu á mjólkurlítra. Fjölbreytt nám? Mæli með því

Annars hefur fáránleg tilvistarkreppa herjað á mig síðustu daga. Ég asnaðist til að ætla að taka þátt í einhverri áhugasviðskönnun þar sem ég var beðin að skrifa niður 3 draumastörfin mín...ég komst ekki lengra með könnunina því ég hef ekki eina einustu hugmynd um hvað ég vil vinna við þegar ég verð stór!
Ég veit bara að mig langar ekki að vinna við tölvur allan daginn, vil helst vinna úti. Og ekki væri verra að geta ráðið sér nokkurnvegin sjálfur.
Er hægt að vera fullkomlega hamingjusamur ef maður er í vinnu sem gerir mann ekki ánægðan?
Óboj, það eru bara allt, allt of margir möguleikar í boði...hausinn á mér hringsnýst.
En ég er nú samt ekkert að fara að hætta í skólanum sko, langt því frá. Mér finnst þetta geðveikt skemmtilegt nám sem ég er í...vandamálið er að ég veit ekki hvort mig langar til að vinna við það í framtíðinni. Það er kannski bara seinni tíma vandamál?

Alltaf þegar ég fer að efast um framtíðina fæ ég þetta eirðarleysi í kroppinn sem endar með því að ég  fer á flakk...á flakki þarf maður nefnilega ekki að hugsa um framtíðina, heldur bara daginn í dag.
Sem minnir mig á það....ég á alltaf eftir að fara til Afríku og vinna við hjálparstarf einsog mig hefur langað til að gera í rúm 10 ár. Spurning hvort að það sé bara málið?

Mjólkurferna dagsins...blá mjólk, að sjálfsögðu.

Er eitthvað að frétta?

Neeei, bara þetta sama gamla.

Það er alltaf nóg að gera í vinnunni; er mest í því að flokka sýni, telja orma og önnur nánast ósýnileg dýr þessa dagana.
Fengum til okkar húsamús í síðustu viku; hún fékk glæsilegt heimili í 3 herbergja hamstrabúri sem staðsett var uppi á borði við hliðina á mér. Ég gaf henni matarkex, múslí og kanilskonsu að éta...en hún starði bara á mig með tárin í augunum og eftir heilan dag gat ég ekki meira og sleppti henni.
Við erum með fleiri gæludýr...tvær krossköngulær í búri sem heita Emma og Bolla. Bolla hámar í sig fiskiflugur alla daga en Emma er þunglynd og kúrir sig bara út í horn. Og svo erum við líka með risa snigilinn Ketil...sem er alltaf að reyna að strjúka og skilur eftir sig slímuga slóð á öllum veggjum:)

Fjölskyldan mín er búin að vera einstaklega frjósöm í sumar...ég er orðin 3 frændsystkinum ríkari. Ætla einmitt að kíkja í nýjasta prinsinn á helginni:)

Það munaði litlu að ég yrði heilum vísifingri fátækari við eldamennskuna í síðustu viku. Það var ekkert voðalega sniðugt að opna pokann með frosna grænmetinu með beittasta hnífnum í skúffunni...pínu klúður, en ég hélt puttanum.

Tvíkímblöðungarnir fyrir plöntusafnið eru allir komnir í pressun, sumir eru tilbúnir og bíða þess að verða límdir á blað. Þá eru bara eftir helvítis grösin, störin, stráin og hærurnar.

Svanhildur bauð mér að koma í mat inn í Hvítanes á sunnudaginn, og Bubbi kenndi mér að mjólka í leiðinni:)

Við pabbi röltum niður á höfn í gær og keyptum 5kg stykki af glænýrri hrefnu beint úr bátnum hjá hrefnu-Konna...skelltum henni svo beint á grillið og borðuðum með bestu lyst!

Get ekki beðið eftir að komast í helgarfrí...verð búin að vera að vinna í 20 daga samfellt á föstudaginn.

Bíddu nú við...var svo kannski bara eitthvað að frétta eftir allt saman?
Hafið það gott á helginni elskurnar mínar!

Komin heim og hætt að flakka...í bili að minnsta kosti

Hróaskelda var náttúrulega bara snilldsnilldsnilld út í gegn!
Ætla ekki að reyna að lýsa henni neitt frekar, þið verðið bara að fara sjálf einn daginn til að skilja þetta

Fékk gömlu vélina frá pabba og mömmu lánaða því mín er ennþá í viðgerð, tók bara örfáar myndir samt og er búin að skella þeim inn.

Komin og farin og komin og farin og komin og farin aftur...

Ohhh, ekki aftur...

Þetta gerist á hverju einasta sumri, en alltaf kemur mér það jafn mikið á óvart. Áður en ég veit af eru nánast allar helgar sumarsins fyrirfram ákveðnar og í ljós kemur hversu óskaplega stutt sumarið okkar virkilega er. Og alltaf verð ég jafn hissa þegar ég átta mig á þessu. Kannski er smá séns að ég verði búin að ná þessu þegar ég verð orðin 54 ára.

Vitiði hvað...já ætli það viti þetta ekki orðið allir sem lesa þetta... en ég er að fara á Hróaskeldu!!!
Vann 2 miða á www.monitor.is og ætlar Kría að vera svo yndisleg að koma með mér þar sem að hún Tinna mín verður upptekin við kokkteiladrykkju á Spáni. Átti gott spjall við hana í gær þar sem hún gaf mér nokkur góð niðurpökkunarráð og pantaði símtal frá mér ef Radiohead taka Karma Police...sem er eins gott að þeir geri by the way...en ég skulda henni frá því í fyrra þegar hún hringdi í mig frá Red Hot Chili Peppers.

Ég á bíl...keypti hann í gær og fæ hann á eftir. Ætla að bruna á kagganum í Bjarkalund og liggja úti með sætu Hvanneyrarskvísunum mínum um helgina.
Bruna svo á Hvanneyrina og verð þar alla næstu viku á plöntunámskeiði.
Vinn svo 4 daga, fer á Hróa, fer beint í 3 daga felt í Héðinsfirði, svo Ísafjörður og þá verður Ingibjörg vonandi komin vestur!

Ohhh....ég bara ELSKA sumarið!!


ps. Skráði mig í einn valáfanga fyrir haustið...Búfjárrækt I
Glotti þeir sem glotta vilja